ឆ្អឹង និងសន្លាក់អាចចាស់ខូចបាន មិនចាំបាច់រង់ចាំដល់វ័យចាស់ទេ

ទង្វើដែលធ្វើជាប្រចាំទាំងនេះ ទោះបីមើលទៅមិនធ្ងន់ធ្ងរនៅរាល់ថ្ងៃក៏ដោយ ប៉ុន្តែពេលបញ្ចូលសរុបជាយូរៗ អាចធ្វើឲ្យកើតមាន “ការចាស់ខូច” បាន ហើយនៅពេលដែលរោគសញ្ញាចាប់ផ្តើមបង្ហាញ ដូចជា ឈឺខ្នង ឈឺកជាប្រចាំ នោះអាចជាសញ្ញាដំបូងនៃបញ្ហាឆ្អឹង និងសន្លាក់ដែលមិនគួរមើលរំលង

ការវិវត្តន៍របស់មនុស្ស៖ ចំណុចចាប់ផ្តើមនៃការបង្កើនបន្ទុកលើឆ្អឹង និងសន្លាក់

ប្រសិនបើយើងត្រឡប់មើលការវិវត្តន៍របស់មនុស្ស មួយក្នុងចំណោមកត្តាសំខាន់ៗដែលធ្វើឲ្យបញ្ហាឆ្អឹងខ្នង និងសន្លាក់ចាស់ខូចកើតមានច្រើនឡើង គឺការផ្លាស់ប្ដូររចនាសម្ព័ន្ធរាងកាយ

“មនុស្សនៅអតីតកាលមានការផ្លាស់ទីដូចសត្វបួនជើង ដែលជួយចែកចាយកម្លាំងចុះលើឆ្អឹងខ្នងបានល្អតាមទិសផ្ដេក ប៉ុន្តែពេលការវិវត្តន៍ធ្វើឲ្យយើងឈរត្រង់ និងដើរពីរ ជើង កម្លាំងចុះបានផ្លាស់ទៅទិសឈរ ឆ្អឹងខ្នង និងសន្លាក់ត្រូវទទួលទំងន់ផ្ទាល់ច្រើនជាងមុន”

សន្លាក់ជង្គង់ក៏ជាអង្គធាតុមួយទៀតដែលទទួលផលប៉ះពាល់ ដោយពីមុនរាងកាយប្រើជើងទាំងអស់សម្រាប់ទ្រទំងន់ ប៉ុន្តែពេលនៅសល់តែពីរ ជើង កម្លាំងចុះលើសន្លាក់ជង្គង់កើនឡើងជាថ្លៃគុណ បណ្តាលឲ្យសន្លាក់ជង្គង់ចាស់ខូចលឿនជាងមុន

ទោះជាយ៉ាងណា បញ្ហានេះមិនបានកើតឡើងដោយសារតែការវិវត្តន៍ទេ ទង្វើរស់នៅរបស់មនុស្សសម័យថ្មី គឺជាកត្តាដ៏សំខាន់មួយទៀត ដែលជំរុញឲ្យការចាស់ខូចនៃឆ្អឹងខ្នង និងសន្លាក់កើតមានលឿនជាងមុន

អាកប្បកិរិយាដែលជំរុញឲ្យកើតការចាស់ខូចឆ្អឹង និងសន្លាក់ដោយមិនដឹងខ្លួន 

អង្គុយធ្វើការយូរ ដោយមិនផ្លាស់ទីរាងកាយ

ទង្វើដែលមនុស្សជាច្រើនមើលរំលង គឺការអង្គុយធ្វើការយូរ ដោយមិនប្ដូរទម្រង់រាង យ៉ាងពិសេសក្នុងការអង្គុយមើលអេក្រង់កុំព្យូទ័រពីរបីម៉ោងជាប់ៗគ្នា ដែលធ្វើឲ្យសាច់ដុំជុំវិញឆ្អឹងខ្នងខ្សោយ និងឆ្អឹងខ្នងទទួលកម្លាំងចុះកើនឡើង អាចនាំឲ្យកើតស្ថានភាពឆ្អឹងខ្នងចាស់ខូចលឿនជាងធម្មតា

បន្ថែមពីនេះ ទម្រង់អង្គុយដែលមិនត្រឹមត្រូវ ដូចជា ការទម្លាក់ខ្លួនទៅមុខ អង្គុយកោងខ្នង ឬស្មាហូរ ក៏ជាកត្តាដែលបន្ថែមបន្ទុកដល់ឆ្អឹងខ្នងដោយមិនដឹងខ្លួនដែរ ដូច្នេះ ក្នុងអំឡុងថ្ងៃ គួរតែឈរឡើងផ្លាស់ទីរាងកាយរៀងរាល់ ៣០-៦០ នាទី និងរៀបចំទម្រង់អង្គុយឲ្យសមរម្យ ដោយប្រើកៅអីដែលគាំទ្រខ្នង ហើយកំណត់កម្ពស់អេក្រង់ឲ្យស្មើកម្ពស់ភ្នែក

លើកវត្ថុធ្ងន់ដោយវិធីខុស

ទង្វើមួយទៀតដែលធ្វើឲ្យឆ្អឹងខ្នងចាស់ខូចគឺការលើកវត្ថុធ្ងន់ដោយវិធីខុស មនុស្សជាច្រើនកែងខ្លួនលើកវត្ថុដោយប្រើកម្លាំងពីខ្នង ជំនួសឲ្យប្រើកម្លាំងពីជើង បណ្តាលឲ្យឆ្អឹងខ្នងទទួលកម្លាំងចុះខ្លាំង និងអាចនាំឲ្យកើតស្ថានភាពឆ្អឹងខ្នងរអិល ឬសម្ពាធលើសរសៃប្រសាទ ដែលអាចបណ្តាលឲ្យឈឺរាលទៅដៃ ឬជើង

ដូច្នេះ នៅពេលត្រូវលើកវត្ថុធ្ងន់ គួរទម្លាក់ខ្លួន ចុះជង្គង់ និងប្រើកម្លាំងពីភ្លៅជំនួសខ្នង វិធីនេះជួយកាត់បន្ថយកម្លាំងចុះលើឆ្អឹងខ្នងបានប្រសើរ និងកាត់បន្ថយឱកាសរងរបួសក្នុងរយៈពេលវែង

សកម្មភាពដែលបណ្តាលឲ្យកើតកម្លាំងបុកបញ្ចូលជាបន្តបន្ទាប់

សកម្មភាពជាច្រើនដែលមើលទៅមិនមានគ្រោះថ្នាក់ អាចធ្វើឲ្យឆ្អឹងខ្នងទទួលកម្លាំងបុកបញ្ចូលដោយមិនដឹងខ្លួន ដូចជា អង្គុយលើដីរឹងយូរ ដើរ ឬរត់លើដីរឹងដោយគ្មានស្បែកជើងគាំទ្រកម្លាំងបុក ឬសូម្បីតែអង្គុយក្នុងឡានដែលប្រព័ន្ធស្រូបកម្លាំងមិនល្អ អ្វីទាំងនេះអាចធ្វើឲ្យសន្លាក់ទទួលកម្លាំងបុកស្ថិតស្ថេរ និងជំរុញឲ្យឆ្អឹងចាស់ខូចលឿនជាងធម្មតា